Փետրվարի 21-ին՝ ժամը 15:00-ին, համայնքապետարանի նիստերի դահլիճում «Եղվարդ» երիտասարդական-բնապահպանական ՀԿ-ի նախաձեռնությամբ «Ապագան իրազեկ քաղաքացունն է» ծրագրի շրջանակներում կկայանա այլընտրանքային էներգիայի և
էներգախնայողության տեղեկատվության բարձրացման, էներգաարդյունավետության խնդիրների, դրանց հնարավոր լուծման ուղիների վերաբերյալ սեմինար: Բոլոր շահագրգիռ կազմակերպությունների և անհատներին հրավիրում ենք մասնակցելու սեմինարին:

Փետրվարի 20-28-ը տեղի է ունենալու մարզի 2019 թվականի շախմատի պատանեկան առաջնությունը  չորս տարիքային խմբով: Մրցաշարն անցկացվելու է Աբովյանի շախմատի դպրոցում: Մանրամասները՝ կցված ֆայլում:

Հայաստանի Հանրապետության տարածքների համաչափ զարգացմանն ուղղված ներդրումային հարթակ ստեղծելու նպատակով առաջարկում ենք մինչև 2019 թվականի փետրվարի 25-ը ներկայացնել ներդրումային ծրագիր-առաջարկներ՝ բացառապես կից ձևաչափին համապատասխան: 
Ծրագիր-առաջարկները կարող եք ներկայացնել Չարենցավանի համայնքապետարանի զարգացման ծրագրերի և տեղեկատվական տեխնոլոգիաների բաժին /հասցեն` ք．Չարենցավան，Կարեն Դեմիրճյան հրապարակ, վարչական շենք, 3-րդ հարկ, հեռախոս 0224-34-34/, կամ ուղարկել  charentsavan.kotayq@mta.gov.am,  էլեկտրոնային հասցեին:

Մայիսի 12-18-ը Աստանայում տեղի  է  ունենալու Երիտասարդ դաշնակահարների  միջազգային մրցույթը: Մանրամասների համար կարող  եք  գրել  astana-app.com  էլեկտրոնային հասցեին:Կից ներկայացնում  ենք   մրցույթի  անցկացման  պայմանները: Առդիր՝ 3 թերթ:

«ՖՐՈՒՆԶ» թատերախումբը սիրով հրավիրում է «Տերն ու ծառան» երաժշտական և պարային ներկայացմանը, որը նվիրված է Հովհաննես Թումանյանի 150 ամյակին։
Ներկայացումը տեղի կունենա Չարենցավանի Արամ Խաչատրյանի անվան երաժշտական դպրոցի դահլիճում փետրվարի 14-ին`ժամը 18։00-ին:
Տոմսի արժեքը 500 դրամ է:
Տոմսերի վաճառքի ամբողջ հասույթը կտրամադրվի Չարենցավանում թատրոնի զարգացմանը:
Մանրամասների համար զանգահարել
077257760 հեռախոսահամարով:

Հունվարի 29-ին՝ ժամը 15:00-ին, Չարենցավանի համայնքապետարանի մշակույթի և կրթության բաժնի նախաձեռնությամբ Հայոց բանակի տոնի կապակցությամբ քաղաքային գրադարանում կազմակերպվելու է ցերեկույթ: Ապրիլյան քառօրյա պատերազմի մասնակիցներին և բոլոր ցանկացողներին սիրով հրավիրում ենք մասնակցելու միջոցառմանը:

Հունվարի 18-ին՝ ժամը 14:00-ին, Չարենցավանի համայնքապետարանի նիստերի դահլիճում կկայանա ավագանու թիվ 1 արտահերթ նիստը: Նիստի օրակարգում ընդգրկված հարցերին կարող եք ծանթանալ ներքոնշյալ հղմամբ. http://www.charentsavan.am/Pages/DocFlow/Default.aspx…

Նոյեմբերի 29-ին՝ ժամը 16:00-ին, Չարենցավանի Գառզուի անվան արվեստի դպրոցում կկայանա համերգային ծրագիր Հայաստանում ՌԴ-ի սահմանապահ զորքերի փողային նվագախմբի և դպրոցի մանկավարժների ու աշակերտների մասնակցությամբ: Համերգի մուտքն ազատ է:

Հունիսի 13-ին՝ ժամը 12:00-ին, Չարենցավան համայնքի Բջնի գյուղի վարչական ղեկավարի նստավայրում տեղի կունենա <<Նյու Իդա>> ՍՊԸ կողմից ներկայացված ՀՀ Կոտայքի մարզի Սոլակի ածխաթթվային հանքային ջրի հանքավայրի թիվ 34/70 հորատանցքից հանքային ջրի արդյունահանման աշխատանքների՝ շրջակա միջավայրի վրա ազդեցության նախնական գնահատման հայտի վերաբերյալ հանրային 2-րդ քննարկումը: Փաստաթղթերին կարելի է ծանոթանալ ՀՀ բնապահպանության նախարարության պաշտոնական կայքում՝ www.mnp.am:

Տեղեկացնում ենք մեր համայնքի բնակիչներին, որ գրավոր  հարցման դեպքում հարցման  մեջ պետք է նշված լինի դիմողի անունը, ազգանունը, քաղաքացիությունը, բնակության, աշխատանքի կամ ուսումնական հաստատության գտնվելու վայրը: Հարցումը պետք է ստորագրված լինի, իսկ իրավաբանական անձի դեպքում նաև նշված լինի անվանումը և գտնվելու վայրը:

Կից ներկայացվում է ձևաթուղթը: